ನೆನ್ನೆಯ ನನ್ನನ್ನು ಕೇಳುವವರಿಂದ ಸಾಕಾಗಿದೆ

ನೆನ್ನೆಯ ನನ್ನನ್ನು ಕೇಳುವವರಿಂದ ಸಾಕಾಗಿದೆ.
ನಾನು ಅವನಲ್ಲ, ನಾನು ನೆನ್ನೆಯ ನಾನಲ್ಲ.
ನಾನು ಇಂದು. ನಿನ್ನೆಯಿಂದ ಬೆಳೆದ ಇಂದು.
ನಾನು ಪ್ರಸ್ತುತ. ಸಮಯದಷ್ಟೇ ಪ್ರಸ್ತುತ.

ಹೌದು ಅಂದು ನಾನೇ ಇಂದು ನಾನೇ
ಆದರೆ ಅಂದಿನವನನ್ನು ಕೊಂದು,
ಮತ್ತೆ ಇಂದು, ಇಂದೇ ಹುಟ್ಟಿದೆನಲ್ಲ.
ಇಂದು ಅಂದನು ಕೇಳಿದರೆ ಹೇಗೆತರಲಿ?

ಭೂತದ ನನ್ನನ್ನು ನಿರೀಕ್ಷಿಸಬೇಡಿ,
ಈ ಕ್ಷಣದ ನನ್ನನು ಓಪ್ಪಿಕೊಳ್ಳಿ.
ವಿಶ್ವವೇ ಬದಲಾವಣೆಯಲ್ಲಿ ಇರುವಾಗ,
ನನ್ನ ಬದಲಾವಣೆ ನಗಣ್ಯ, ಅಗತ್ಯ.

ಕೊನೆಗೆ ನಾನು ನಾಳೆ ಕೂಡಾ ಅಲ್ಲ.
ನಾನು ನಾಳೆಯಾಗುವ ಇಂದು.
ನಿಮ್ಮ ನಿನ್ನೆಯ ಕೇಳದ ಇಂದು.
ನಾನು ಪ್ರಸ್ತುತ. ಸಮಯದಷ್ಟೇ ಪ್ರಸ್ತುತ.

ಅರುಣ್ ಸಿ ಕಲ್ಲಪ್ಪನವರ್
೧೭-೦೮-೨೦೨೫